Эшъёс, ӟечкыламмы потэ тӥледыз праздникъёсын!

4-тӥ шуркынмон элькунмы понна бадӟым инты басьтэ, уго та нуналэ 102 ар талэсь азьло Вотской аскивалтоно улосвыл кылдытэмлы Декрет гожтэмын вал. Со нуналысен ик Удмурт Элькунмылэн историез кутскиз.

Калыкъёслэн огазеяськон нуналзы егитгес ке но, таиз праздник озьы ик валтӥсь инты басьтэ асьме кунамы. Праздниклэн нуналыз озьы ик герӟаськемын историен. 1612-тӥ арын та нуналэ Дмитрий Пожарскийлэн ожмаськисьёсыз Москва карез поляк киултӥсьёслэсь мозмытӥзы.

Мылкыдлэн кужымез но Россиысь вань калыкъёслэн юн герӟаськемзы асьме кунлэн пӧртэм исторической югдуръёсаз данъяськымон тодметэз луизы.

Элькунмылэн йӧскалыкъем луэмез озьы ик асьме понна бадӟым данъяськон! Туннэ Удмурт Элькунын тупаса но ог-огзэс валаса 130-лэсь ятыр калыкъёс уло, со сяна 300-лэсь тросгес религиозной но 180 йӧскалык-лулчеберто огазеяськонъёс ужало.Ӵошен, огъя кариськыса, соос пӧрмыто туж тунсыко ӵектосъёс, кудъёсаз мыло-кыдо пыриськиськомы ваньмы асьмеос!

Та кык праздникъёс эшшо одӥг пол тодамы вайыто вань калыкъёсын одӥг бадӟым семья луэммы сярысь, кудӥзлэн вань огъя историез, культураез но азинсконэз!

Ӟечкыласьком праздникъёсын! Калыкъёслэн огазеяськон нуналэнызы! Удмуртилэн кунлык басьтэм нуналэныз!