Нылпиослэн но быдэ вуымтэслэн быгатонлыкъёссыя «Ӵошен улон – тупаса улон» («Жить вместе – жить в мире») элькун вожвылъяськонлы йылпумъянъёс лэсьтэмын. Ужрад ортчиз Ижкарысь лыдӟетъюртъёслэн огъям сознэтсылэн но Егитъёсты но нылпиосты азинтонъя элькун центрлэсь «Анай кылъёслэн садзы» («Сад родных языков»)нимо ӵектосэз быдэстон улсын. Юрттӥзы соослы Удмурт Элькунысь йӧскалык политикая министерство но Удмурт Элькунысь физкультурая , спортъя но егитъёсын ужан политикая министерство.

Вожвылъяськоно 1600-лэсь уно заявкаос но 2000-лэсь ятыр ужъёс вуизы. Ужъёсты эскеризы 4 оръя но 3 арлыдо группаосъя: 1 аресысен – 6 аресозь; 6 аресысен – 16 аресозь; 17 аресысен – бадӟымгес.

Нырысетӥ но кыкетӥ инты басьтэмъёсты данъялозы вожвылъяськонлэн финалаз, кудӥз ортчоз 2016-тӥ аре тулыспал толэзе Калыкъёслэн Эшъяськон юртазы.

Вормисьёс пусъемын луозы дипломен но кузьымен, нош ужъёссы соослэн «Жить вместе – жить в мире» нимо альманахе пырозы. Вожвылъяськонэ котькуд пыриськисьлы сётэмын луоз сертификат. Авторъёслы ужъёссэс берыктозы вожвылъяськонлэн финалэз ортчем бере.

Вормисьёслэн нимъёссы татын.