«Анай но нылпиосыз – калык дӥськутэн» 5-тӥ Калыккуспо туспуктэмъёсъя вожвылъяськон Йӧскалык ужъёсъя Федерал агентство юрттэмен ортче.

«Интернациональный Союз Женщин» улосвыл мерлык огазеяськонлэн кичӧлтэмез быдэсак тупа кун политикалэн азьмугъёсызлы.

Ӵектос Россиысь но эшлыко кунсьӧрысь калыкъёслэсь аспӧртэмлыксэс йӧскалык дӥсьёссы пыр возьматыны быгатоз.

«Анай но нылпиосыз – калык дӥськутэн» 5-тӥ Калыккуспо туспуктэмъёсъя вожвылъяськонлэн ужпумъёсыз Россиысь но эшлыко кунсьӧрысь калыкъёслэсь идентичностьсэс утёнлы сӥземын.

2024-тӥ ар Россия Федерациын «Семьялэн Арез» шуыса юнматэмын. Туспуктэмъёсъя вожвылъяськонлэн одӥгез ужпумез – семья сям-йылолъёсты утён, вӧлмытон, семья кусыпъёсты юнматон.

Вожвылъяськонэ вань мылкыд карисьёс пыриськыны быгато.

Вожвылъяськонэ, анайёс но нылпиос сяна, атайёссы, песянайёссы, песятайёссы но мукет тунсыкъяськисьёс пыриськыны быгато.

Радъясьёс выль номинация ялӥзы – «Колыбельная песня на родном языке» кырӟанъя вожвылъяськон. Таяз люкетэ пыриськон понна, гожтэм кырӟанэз электрон адресъя келяно ethno-photo-vocals@yandex.ru (Положениын заявкалэн формаез пуктэмын).

«Интернациональный Союз Женщин» улосвыл мерлык огазеяськон (www.iwuorg.com) туспуктэмъёсъя вожвылъяськонлэн радъясез луэ.

Заявкаосты 31-тӥ толшорысен 1-тӥ куарусёнозь келяно. 25-тӥ куарусёнозь вожвылъяськонлэн вотэсбамаз йылпумъянъёсыз лэсьтэмын луозы. Отын ик вормисьёсты но возьматозы. Пыр-почгес вотэсбамын: www.ethno-photo.com.