200 арлэсь тросгес ини Ижкарысь ож тӥрлыкъёс утё асьмелэсь шаермес. Ужпӧр удысын ужасьёс асьсэзыс жалятэк Быдӟым Атыкай ожын но, Нырысетӥ быдэс дунне ожын но тыршизы. Ужен данлыко город – таӵе сӥё-дано ним сётэмын вал Ижкарлы, война аръёсы вормон понна шӧдскымон ватсэт лэсьтэмез но ож тӥрлыкъёсты дугдылытэк поттэмез понна.

Ож тӥрлык поттӥсьлэн нуналыз – та праздник герӟа вань ужпӧр удысын ужасьёсты, ож тӥрлык лэсьтӥсьёсты но ваньзэс, кин тунсыкъяське ож тӥрлык ужлэн историеныз.

Асьме заводъёсамы лэсьтэм тӥрлыкъёс оскымон вал азьло аръёсы но туннэ нуналэ но Россимы понна бадӟым пайда ваё.