20-тӥ куарусёнэ вожвылъяськонъя ӧри грантъёс сётонъя йылпумъянъёс лэсьтӥз.

Вормисьёс пӧлын «Ресурсный центр «Куара (Голос)» мерлыко огазеяськонлэн «Пус» ӵектосэз. Проект ӟечлыко клипъёс, анай кылын туала контентэз но удмурт кылъя лулчеберетэз азьланьтон но егитъёс пӧлын анай кыллэсь кулэлыксэ радъянлы сӥземын.
Проектэ пыриськыны быгато удмурт егит кырӟасьёс, кинъёслэн видеоклипъёс кылдытыны мылкыдзы вань.

Пусъёно, «Куара» огазеяськонлэн ӵектосэзлэн ог люкетэз туэ но радъяськиз ни.