Элькунысь вань черкъёсын службаос ортчизы.

Ужрадъёсы трос православнойёс люкаськизы, валтӥсь христиан праздникез пусъён понна – Быдӟым нуналэз.

Валтӥсь служба Ижкарысь Михаило-Архангельской кафедральной соборын ортчиз. Сое Ижкарысь но Удмуртиысь митрополит Викторин нуиз. Ужрадын Удмурт Элькунысь Тӧролэн но Кивалтэтлэн Администрацизылэн кивалтӥсез Александр Журавлев но йӧскалык политикая министр Эдуард Петров вал.

«Ваньзылы ӟечлык, яратон, небыт сюлэмо луон, шумпотон. Мед оскон асьмелы вань ужъёсын юрттоз. Туннэ Ижкарысь Михаило-Архангельской кафедральной соборе Иерусалимысь Дэлето тылэз ваёзы. Паска служба 14:00 часын кутскоз, собере святыняез православнойёслы сётозы», — вераз аслаз вотэсбамъёсаз УЭ-лэн Тӧроез Александр Бречалов.

Собере Дэлето тылэз Глазкар но Сарапул кар епархиосы нуозы.