8-9-тӥ пӧсьтолэзе Калыкъёслэн Эшъяськон юртазы «Аныкай» удмурт медиашколалэн нырысетӥ сессиез ортчиз. Кык нунал ӵоже 30 анайёс удмурт кылын контент кылдытыны дышетскизы. Медиашкола куинь ӧръя ужаз: мерлыко вотэсъёсын ужан, туспуктон, камераен ужан но видемонтаж лэсьтон. «Аныкайлэн» таӵе сессиез азьланяз Глазкарын, Алнаш но Пичи Пурга ёросъёсын ортчоз.

Тодады вайытом, удмурт кылын контент кылдытонлы но удмурт анайёслы кенешон-вераськон площадка кылдытонлы сӥзем ӵектосэз радъя удмурт егитъёслэн «Куара» огазеяськонзы Президент грантъёслэн фондзылэн юрттэмез улсын.