5-тӥ оштолэзе Элькунысьтымы йöскалык лыдӟетъюртын Удмуртиысь калык писательлэн Вячеслав Ар-Сергилэн 60 аресэзлы сӥзем творческой ӝыт ортчиз. Писателез котырес лыдпусэныз ӟечкылазы Удмурт Элькунысь йöскалык политикая министр Э.С. Петров, Удмурт Элькунысь лулчеберетъя министр В.М. Соловьев, Удмурт Элькунысь Кун Кенешысь тодосъя, дышетонъя, лулчеберетъя, туризмъя но йöскалык политикая ялан ужась öрилэн тöроез Т.В. Ишматова но трос мукетъёс.

Удмурт Элькун Тöролэн нимыныз писателез ӟечкылаз Удмурт Элькун Тöролэн но Кивалтэтлэн Администрацизылэн кивалтӥсез С.В. Смирнов. «Тӥляд ужъёсты трос пумо данъянъёсын но премиосын пусъемын, но тужгес но бадӟым дунъет луэ калыклэн яратонэз но гажанэз. Асьме кунамы сяна Тӥледыз тодо но лыдӟо палэнысь шаеръёсын но. Удмуртиысь калык писатель ним сое юнматэ», – пусъе Александр Бречалов.

Пумиськонын чузъяськизы авторлэн кылбуръёсыз, солэн кылъёсызъя гожтэм кырӟанъёс. Озьы ик лыктэм куноос тодматскизы «С акцентом – моим…» выль бичетэн.

Вячеслав Ар-Серги – Удмуртиын, Россиын но мукет кунъёсын печатлам кылбуръёсын, пьесаосын но веросъёсын 50-лэсь трос бичетъёслэн авторзы. Ар-Сергилэн сценариезъя лэсьтэмын нырысетӥез удмурт художественной фильм «Тень Алангасара». Озьы ик писательлэн творчествояз бадӟым инты басьтэ берыктон уж.

Туспуктэм: Удмурт Элькунысь йöскалык лыдӟетъюрт