Котькуд ар ортчись «Большой этнографический диктант» калыккуспо акция 2022 арын 3-тӥ шуркынмонысен 7-тӥ шуркынмонозь ортчытӥськоз. Ужрад Йӧскалык ужъёсъя Федерал агенствоен но Удмурт Элькунысь йӧскалык политикая министерствоен радъяське.

Ӵектос асьме шаерын улӥсь адямиосыз историен, калык лулчеберетэн но сям-йылолъёсын бордаз кыске. Та тодон-валанъёс соглаш луонэз, калыкъёс пӧлын тупаса улонэз но огазеяськемез юнматонлы юртто.
Акцие Росси шаерысь но кунгожсьӧрысь вань мылкыд карисьёс пыриськыны быгато. Диктант тест выллем 30 юанлэсь кылдытэмын. Ужез 45 минут куспын быдэстоно. Самой вылӥ балл – 100.
Тодады вайытӥськом, этнодиктантэз Удмурт Элькунлэн кичӧлтэмезъя ортчытыны кутскизы. Нырысьсэ акция 4-тӥ коньывуонэ 2016 арын ортчиз. Отчы Росси шаерысь 90 сюрс улӥсьёс пыриськизы. Нош 2020-тӥ арын ужрад Росси улосвылъёсысь но 123 мукет шаеръёсысь 1 742 661 адями огазеяз.
Кылем арын Удмурт Элькунысь 29601 адями пыриськиз. Диктант понна 76 шор балл басьтӥзы.

Пыр-почгес ужрад сярысь та ссылкаосын:

www.miretno.ru 

https://vk.com/miretno.