11-тӥ оштолэзе «Бадӟым удмурт диктант» (6+) арлы быдэ ортчись акция радъямын вал. Туэ ужрад Россиысь калыкъёслэн огъя луэмзылэн арезлы сӥземын.

Диктантлэн авторез «Удмурт Кенеш» огазеяськонлэн ёзчиез, тодмо мерлык ӧнерчи, гожъяськись Наталья Михайлова. Диктант калыкъёс куспын эшъяськонзылы сӥземын.

Диктант гожтыны мылкыд каризы элькунысьтымы 29 муниципал но кар округъёс, но озьы ик Башкортостанысь, Татарстанысь, Пермьысь, Кировысь, Марий Элысь но Москваысь улосчиос. Оглом 218 площадка дасямын вал. Та ужрадэ пыриськем лулчеберетэз утёнлы но азинтонлы юрттэ, со «Семья» йӧскалык ӵектослэн азьмугъёсызлы тупа.

Диктантэз «Мынам Удмуртие» радио но «Удмуртия» телеканал пыр лыдӟизы. Сое Удмурт кун университетысь кылосбур тодосъёсъя кандидат, доцент Ольга Стрелкова лыдӟиз.

Ужъёсты diktant2026@yandex.ru электрон адресэ келяно луоз («Бадӟым удмурт диктант» пусэн) яке таӵе адресъя: 426069, Удмурт Элькун, Ижкар к., Луо ур., 9. Озьы тодосчиос гожтэм диктанттэс эскерыны быгатозы.

Со сяна удмурт кыллы, удмуртъёслы но калык кусыпъёслы сӥзем тест ортчыны луонлык вал. Со нимысьтыз вотэсбамын пуктэмын  https://www.udmdiktant.ru/test. Котькудӥз, кин тестэз ортчоз, сертификат кутоз.