«Татарча диктант» («Бигер диктант») быдэс дуннеын ортчись  дышетон акция арлы быдэ радъяське. Татчы пыриськыны быгатэ котькуд мылкыд карись адями. Туэ акция ортчоз 10-12-тӥ куарусён толэзе, улосъёсын – 11-тӥ куарусёнэ.

Диктантэз гожтыны луоз нимысьтыз радъям площадкаосын яке https://diktant.tatar/ вотэсбамын. Озьы ик диктант лыдӟемын луоз «ТНВ-Татарстан»  но «ТНВ-Планета» телеканалъёсын.

Удмуртиын но радъямын луозы нимысьтыз площадкаос. Диктант гожтыны луоз Ижкарын (Муса Джалиль нимо лыдӟетъюрт, 6-тӥ номеро Габдулла Тукай нимо гимназия, 97-тӥ номеро школа), Глазкарын (кар мечеть), Можгакарын (мусульман центр), Сарапул карын (Лулчеберетъя «Электрон» юрт), Алнаш ёросын (Варзино-Алексеево гт.), Балезино ёросын (Кестым школа), Дэри ёросы  (Лулчеберетъя но спортъя  «Вараксинский» огъет) но Юкаменск ёросын  (Юкаменскысь школа).

Акция кутскоз 12:00 часын.