«Буд» – ӟуч сямен «расти!»

20-21-тӥ коньывуонэ «Нечкино» шутэтскон курортын Удмурт Элькунысь Калыкъёслэн Эшъяськон юртсы но егитъёслэн «Шунды» мерлыко огазеяськонзы «БУД» этнокультурной ӵектосъёсъя Акселератор ортчыто.

Ӵектос йӧскалык кусыпъёсты азинтонлы но 14-35 аресъем егитъёслэсь патриотизм мылкыдзэс юнматонлы сӥземын.

Йӧскалык-лулчеберетъя огазеяськонъёсысь егит азьветлӥсьёслэн нырысетӥ пумиськонзы ортчиз таяз аре тулыс «БУД» Акселератор ужрад улсын. Ужпумлэн йылпумъянэз – егитъёслы этнодырпус (этнокалендарь) кылдытон, кудӥз УЭ-ысь трос йӧскалыкъем егитъёслы валтӥсь юрттӥсь луиз – асьсэ но йӧскалыккуспо ӵектосъёссэс улонэ пыӵатон удысын.

Таиз Акселератор дыръя егитъёслэн 12 быръем командаоссылы пӧртэм ужрадъёс ортчытӥськозы – коммерциен герӟаськымтэ огазеяськонъёслэсь (НКО) ужзэс мытон понна нимысьтыз программаос кылдытонъя, командаын ужан амалъёсты азинтонъя, проектъёс гожтонъя. Нимысьтыз саклык висъямын луоз йӧскалык кусыпъёсты тупатон удысын наставничество амалэз уже кутонлы.

Программаен герӟаськем асдыръем-кысык иворъёсты – «ВКонтакте» вотэс бамын Акселераторлэн группаяз https://vk.com/budetno.

Проект Президент ӵектосъёсъя фондлэн юрттэмез улсын ортче.