Сайтысь утчано

Удмурт элькунысь йӧскалык политикая министерство
Сайтысь утчано
Быдэ вуонлы сӥзем «Эру» шулдыръяськон туэ Удмуртиын онлайн-марафон сямен ортчоз
21 July 2020 Иворъёс

Быдэ вуонлы сӥзем «Эру» шулдыръяськон туэ Удмуртиын онлайн-марафон сямен ортчоз

Удмуртиын быдэ вуонлы сӥзем «Эру» шулдыръяськон таяз арын онлайн-марафон сямен ортчоз. “Таяз арын пыриськисьёс адӟиськыны уз быгатэ, творчествоя быгатонлыкъёссэс гинэ возьматозы, но со понна кыдёкысь улосвылъёсысь пиналъёслы пыриськыны луонлык кылдэ”, – шуэ Удмурт егитъёслэн “Шунды” мерлыко огазеяськонзылэн кивалтӥсез.

Удмурт егитъёслэн «Шунды» огазеяськонэнызы радъяськись марафон куинь люкетлы люкемын но 3-тӥ гудырикошконозь кыстӥськоз.

Котькуд люкетаз быдэ вуымтэослы творчествоя куронъёсты быдэстоно:

– 23-тӥ пӧсьтолэзёзь пыриськисьлэсь анкетазэ гожтоно но удмурт фольклоръя, йылолъёсъя, озьы ик Удмуртилэн кунлыкезъя юанъёслы валэктонъёс сётоно;

– удмурт кылын мастер-класс амалэн дышетон видеоролик кылдытоно;

– гуртысь тунсыко адями яке визь-кенеш сётӥсьёс сярысь верос/сочинение/презентация/видеоролик/интервью дасяно.

Марафонэ 14-18 аресъем нылъёс но пиос нимаз но командаен пыриськыны луэ.

Вормисьёсты дипломъёсын но кузьымъёсын пусъёзы.

Тодэ вайытом, «Эру» шулдыръяськон арлы быдэ Шаркан ёросын ортчылэ вал. Кылем арын ужрадэ 10 команда пыриськиз.

Ивор кутэмын “Удмуртия” ИА-лэн вотэсбамысьтыз.

Поделиться