5-тӥ гудырикошконэ «Маршрут построен! Удмуртия многонациональная» (6+) блог-турлэн кыкетӥ сезоназ регистрация кутскиз. Россиысь калыкъёслэн огъя луэмзылэн араз ӵектосэ элькунысь мыло-кыдо семьяос пыриськозы.

Блог-тур валтӥсь туристической объектъёсын но интыысь адӟем карымон арбериосын тодматскыны чакламын. Ӵектос пыриськисьёслы но соосты уськисьёслы элькунын улӥсь калыкъёслэсь лулчеберетсэс но улон-вылонзэс, ог-огенызы ӟеч кусыпъёссэс возьматыны кулэ. Озьыен, ужрад Россилэн Азьмуртэзлэн Владимир Путинлэн юнматэмезъя «Туризм но куно карон индустрия» йӧскалык ӵектослэн ужпумъёсызлы тупа.

Блог-туре пыриськыны быгато Удмуртиын улӥсь но пӧртэм йӧслыкъёсты но ӧнерчиосты возьматӥсь трос нылпиё семьяос. Быръёнэз ӵектослэн оргкомитетэз таӵе критерийёсъя ортчытэ: огезлэсь анай-атайлэсь 5 сюрслэсь трос гожтӥськисьёсты кутон, медиа удысын ӵектосъёс, вожвылъяськонъёсы яке мерлыко уже пыриськон опыт.

Мылкыд карисьёс заявка келяны но творческой уж быдэстыны быгато https://udmddn.ru/blogture вотэсбамын 15-тӥ гудырикошконозь до 15 августа. Блог-тур 28-тӥ  гудырикошконысен 30-тӥ гудырикошконозь ортчоз.

Радъясьёс вить выпуск кылдытозы, нош пыриськисьёс сюрес вылысь видеороликъёс вк-клипъёс, постъёс но историос амалъёс пыр кылдытозы. Пыр-почгес Калыкъёслэн Эшъяськон юртысьтызы: телефон пыр: +7 (3412) 90-60-85, доб. 423 яке «ВКонтакте» мерлыко вотэсысь ӵектослэн огиназ.

Тодэ вайытом, нырысетӥ блог-тур 2025-тӥ арын ортчиз, отчы трос йӧслыко егитъёс пыриськизы. Арня куспын соос элькунами улӥсь калыкъёсын тодматскизы: ӟучъёсын, удмуртъёсын, бигеръёсын, бесерманъёсын, поръёсын, чувашъёсын, кряшенъёсын. Егитъёс Глазов, Балезино, Кияса но Грак ёросъёсысь сизьым гуртъёсы вуылӥзы. Ӵектос «Многоликая Россия» Россиякуспо вожвылъяськонын «Лучший проект в цифровых медиа» номинациын вормись луиз.

Туспуктэм: Калыкъёслэн Эшъяськон юртсы.