24-тӥ пӧсьтолэзе Удмурт Элькунысь йӧскалык политикая министерствоын Смирново каргуртысь чиганъёслэн азьветлӥсьёсынызы пумиськон ортчиз. Пумиськонлэн валтӥсь темаез – катлы пумит пуктэм юртъеръёсын герӟаськем юанэз сэрттон-пертчон. Тодады вайытом, 23-тӥ пӧсьтолэзе Смирново каргуртын удысэткуспо комисся ужаз, кудаз пыриськизы Устинов ёрос Тӧролэн мерлык юанъёсъя воштӥсез Венера Лушникова, Удмурт Элькунысь йӧскалык политикая министерствоысь йӧскалык но конфесси кусыпъёсты эскеронъя но анализъя ёзэтлэн кивалтӥсез С.В. Огородников, Ижкар Администрациысь дышетонъя кивалтонниысь, Удмурт Элькунысь кунпуш ужъёсъя министерствоысь, Быдэ вуымтэослэн ужъёссыя ӧриысь ӧнерчиос. Пӧртэм удысъёсысь специалистъёс пуктэм юртъеръёсты эскеризы но катрадлык нормаосты но тылпу кышкытэмлыкъя правилоос сярысь валэктӥзы.