«ДаУР!» квестэ пыриськын 100-лэсь трос адями вазиськон келяз

30-тӥ пӧсьтолэзе Удмуртилэн кунлык басьтэмезлы 100 ар тырмолы сӥзем “ДаУР” квестлы кутскон сётэмын. Вить нунал куспын  даур.рф вотэсбаме  ужрадэ пыриськын 100-лэсь трос вазиськон келяз. Тодады вайытомы, квестэ пыриськыны вазиськон келяны луэ 11-тӥ коньывуонозь.

«ДаУР!» квест – со шаертодонъя шудон, кытын адямиос асьсэ коже турмаршрутъёстӥ ортчыны но кыӵе ке куронэз быдэстыны кулэ. Маршрутъёс «Удмуртиысь 100 интыостӥ» ортчо, ӵектослэн картаяз соос горд флажокен пусъемын. Пыриськисьёс тросгес интыосы вуылыны, отын туспуктэмъёс лэсьтыны но соосты «ВКонтакте» яке Instagram мерлыко вотэсъёсысь бамазы поттыны кулэ.

Ивортонын гожтоно: «Участвую/-ем в #КвестДаУР (пусъёно ӵектослэсь мерлыко вотэсысь бамзэ). Посетил/-а/-и …». Одно ик #КвестДаУР #Удмуртия100 хештегъёс пуктоно.