Глазкарын Президент фондысь лулчеберетъя кичӧлтонъёсын грант утыса, «ГлазовЭтноFest» йӧскалык лулчеберетъя фестиваль ортчиз.

Удмурт Элькунысь йӧскалык политикая министрлэн Эдуард Петровлэн верамезъя: «Глазкарын трос йӧскалык огазеяськонъёс. Шумпотымон, соос ас лулчеберетсэз утён но азьланьтон бордын тыршо шуыса». Тодэ вайытэм потэ Росси шаер – трос йӧскалыкъем кун шуыса.

Ӵапак солы Глазкарын фестиваль сӥземын вал. Глазкарын Горький нимо паркын элькун ёросъёсысь но каръёсысь йӧскалык лулчеберет удысысь азьветлӥсьёс люкаськизы. Соос калык дӥськутъёс, пӧраськемъёс, киужъёс возьматӥзы.

Фестиваль Удмурт Элькунысь Академической кырӟанъя но эктонъя «Италмас» ансамбльлэн концертэныз йылпумъяськиз. Озьы ик ваньмыз ик празднике лыктэмъёс бадӟым эшъяськон хороводын бергазы.