16-19-тӥ гудырикошконэ Саранскын «Этнокультурное многообразие России: современные вызовы и перспективы развития» финн-угор калыкъёслэн II Россиякуспо форумзы ортчоз.
Россия Федерациысь йӧскалык политика удысын таиз форум огез тужгес валтӥсь ужрад луоз. Со сӥземын финно-угор калыкъёслэн тодос, лулчеберет, кыл но мукет кусыпъёсты азинтон но вӧлмытон понна.
Программа улсын радъямын:
– лулпуш этнокультурной ваньбурлы сӥзем пленарной но секционной заседаниос, лулчеберет но кыл удысын IT-технологиос, егитъёслэн ӵектос ужъёссы;
– кун йӧскалык политика удысысь асдыръем кысык юанъёсты сэрттон-пертчон, кивалтэтлэн но коммерциен герӟаськымтэ огазеяськонъёслэн ваче кусып воземзы.
Форум люкалоз ас котыраз этнокультурной мерлык огазеяськонъёсты, экспертной но тодос огазеяськонъёсысь огмуртъёсты, ивор вӧлмытон но тӧрлык ёзэсъёсысь, дышетон но лулчеберет удысъёсысь, искусство ужъюртъёсысь усточиосты.