20-тӥ инвожое Глаз ёросысь Коӵышгурт вӧзын «Гербер» (0+) удмурт йӧскалык шулдыръяськон ортчоз. Йӧскалык праздник Россиысь калыкъёслэн огъя луэмзылэн араз яркыт ужрадэз луоз. Гербер – бадӟым ӵектос: со элькунысь улӥсьёсты но куноосты огазея, удмурт калык лулчеберетэн тодматэ.

Ужрадэ пыриськыны ӧтисько элькунысь, бускель ёросъёсысь делегациос, удмурт мерлыко огазеяськонъёсысь вань улосчиос но куноос. Праздникез сӥё-дано усьтон ужрад 11 часын кутскоз. Собере «Гербер куриськон» Гербер ӝукез вӧсян радъямын луоз.

Валтӥсь сценаын йӧскалык но калыккуспо огазеяськонъёс шулдыртозы: «Тангыра, тангыра, куарадэ будэты…» – Удмуртиысь но Россия Федерацилэн улосъёсысьтыз фольклор коллективъёслэн кырӟан-эктонъёссы; Удмуртиысь Академической хоровой капеллалэн шулдыртэмез; Калык кырӟанъя но эктонъя «Айкай» удмурт кун театрлэн шулдыртэмез; IVINAVI но Чудья Женилэн шулдыртэмзы.

Озьы ик нунал ӵоже ужалозы творчествоя но спортъя пӧртэм площадкаос. Соос пӧлын:

«Кибашлы арама» – кибашлыослэн, ӧнерчиослэн, дизайнеръёслэн ужъёсынызы вузкарон инты, мастер-классъёс;

«Вузаськон арама» – сиён-юонэн вузкарон инты;

«Шудон» – нылпи шудон инты;

Этнобызьылон – трейл бызьылон;

«Воршуд» – ӵыжы-выжыосты тодон, ӵыжы-выжы сям-йылолъёс но соослэн туала улонын интызы сярысь кенешон;

«Писпу кужым» – егитъёслэн этно-марафонзы;

«Шаплы пила» – кибашлыослэн ужъёсынызы тодматскон;

«Батыр кужым» – кужмо, чупырес луэмез но шонер йӧттыны быгатэмез эскеронъя спорт ӵошатсконъёс;

«Бенъёс но Бонъёс» – уйпал но лымшор удмуртъёслэн командаоссы куспын футболъя вожвылъяськон.

Ивортодэтъёсты ВКонтакте огинын учкыны луэ: https://vk.com/gerber_2026