Таяз ужрад 150 пыриськисьёсты 7 муниципал кылдытэтъёсысь 6 площадкаосы люказ.

Форумын «Удмурт Элькунысь бесерман калыклэн огазеяськон» Элькун мерлык огазеяськонлэн огъя кенешез ортчиз, кудаз Андрей Ураськин пыриськиз. Та пумиськон выль памятной нунал азьын ортче – Россиысь ӧжыт лыдъем выжы  калыкъёслэн нуналзы, кудӥз арлы быдэ 30-тӥ оштолэзе пусйиськоз.

Нимысьтыз саклык висъямын вал бесерманъёслэн лулчеберет но кыл аспӧртэмлыксэз утёнлы.

Котырес ӝӧк сьӧрын туэ арлы валтӥсь ужпумъёсты эскеризы: та арысен элькун Көрбан шулдыръяськон арлы быдэ радъяськоз элькун но муниципал коньдэт юрттэмен. Озьы ик ивортӥзы бесерман электрон кыллюкамез выль кылъёсын тырмытонэн, кудаз вить сюрслэсь трос кылъёс ни люкамын. Со сяна верамын бесерманъёслэсь улон гуртъёссэс мерлык, экономика но этнокультура ласянь азинтонъя удыскуспо огъя планэз уже вӧлмытонэ сярысь.

Вуоно пумиськонъёс ортчозы: 29-тӥ оштолэзе – Пичи Пургаын  но 30-тӥ оштолэзе – Ижкарын.