Сайтысь утчано

Удмурт элькунысь йӧскалык политикая министерство
Сайтысь утчано
Глазкарысь 17-тӥ номеро школалы Иосиф Наговицынлэсь нимзэ сётозы
20 July 2020 Иворъёс

Глазкарысь 17-тӥ номеро школалы Иосиф Наговицынлэсь нимзэ сётозы

14-тӥ пӧсьтолэзе Глазкарысь 17-тӥ номеро школалы Иосиф Наговицынлэсь нимзэ сётон сярысь мер кылзӥськон ортчиз.

Тодады вайытом, та юан ӝутэмын вал “Удмурт Кенеш” мерлыко огазеяськонлэн ёзчиосызлэн элькун Тӧроен Александр Бречаловен пумиськонын.

Удмуртилэн кунлык басьтэм дырысеныз 100 ар тырмон аре Глазкарысь школаын удмурт кылэз дышетыны кутскозы 1А но 2А классъёсын. Вуоно аръёсы арлы быдэ выль класс усьтӥськылоз. 3-5-тӥ классъёсын дышетскисьёслы удмурт кылъя факультатив радъямын луоз. Выль дышетскон арын 17-тӥ школаын удмурт кыллы но лулчеберетлы сӥзем пӧртэм ӵектосъёс бордын ужаны чакламын. Кылсярысь, этнографияя но вордскем шаерлэн историезъя музейной комната но удмурт кылъя нимысьтыз кабинет усьтон, нылпиослы удмурт театральной студия но крезьгуро ансамбль кылдытон, научно-практической улосвыл конференци радъян. Дышетӥсьёслэн малпамзыя, пиналъёлэсь удмурт кылэз дышетыны мылкыдзэс ӝутыны юрттоз Удмуртилэн уйпал ёросъёсаз улӥсь нылписолы но быдэ вуымтэослы сӥзем финн-угор таорчествоя “Звон Италмаса” улосвыл фестиваль. Та ӵектосэз быдэстыны 17-тӥ школа Глазкарысь лингвистической центрен ӵош 370 сюрс манет Президен грант утӥз. Проект улсын малпамын медиацентр усьтыны, нылпиослы лагерь сменаос радъяны, Билингвизмъя центр кылдытыны, кудаз удмурт кылэз вань мылкыд карисьёс дышетыны быгатозы.

Туспуктэм кутэмын Вершинина Ниналэн вотэсбамысьтыз.

Поделиться