19-тӥ толсуре Калыкъёслэн Эшъяськон юртазы крезьчилы, хорлэн дирижерезлы, Украина ССР-лэн калык артистэзлы Григорий Гуриевич Верёвкалы сӥзем ӝыт радъяськоз.

Григорий Верёвка быдэс улонзэ сӥзиз фольклор люканлы, кырӟанъёсты сэрттон-пертчонлы, эскеронлы. Крезьгур критикъёслэн верамзыя, солэн произведениосаз туж зол пыӵамын вал калык шӧм. Куд ог дыръя шуг валаны калык кырӟан со яке крезьчилэн ужез.

Та ӝытэ чузъяськозы солэн кырӟанъёсыз. Тодмо крезьчилэн улон сюресэз сярысь вералоз Удмурт кун университетысь доцент Д.А. Черниенко.

Ужрад кутскоз 13.00 часэ.

Ужрадэз ортчыто: «Украин лулчеберетъя Удмурт Элькунысь «Громада» огазеяськон» мерлыко огазеяськон, Калыкъёслэн Эшъяськон юртсы.