27-тӥ инвожое Воткакарлэн пляжаз Сабантуй (0+) калык шулдыръяськон радъяськиз, кудӥз тулыс бусы ужъёсын герӟаськемын. Шулдыръяськон 2026-тӥ арлэн, кудзэ Владимир Путин Россиысь калыкъёслэн огъя луэмзылэн ареныз юнматӥз, яркыт ужрадэз луоз.

Та праздник калык кусыпъёсты герӟа но юнматэ, Россиысь калыкъёслэсь лулчеберет узырлыксэс, со «Семья» йӧскалык ӵектослэн азьмугъёсызлы тупа.

Удмуртиын улӥсь бигеръёс но башкиръёс трос малпанъёссэс но кичӧлтонъёссэс быдэсто. «Янарыш» газетлэн редакциез Удмуртиысь бигеръёслэн улосвыл йӧскалык-лулчеберетъя автономиенызы ӵош калыкъёслэсь огкылзэс юнматонъя ӵектосъёсты быдэсъя, со пӧлын улосвылъёс куспын ортчылӥсь фестивальёс, творчествоя ӵошатсконъёс. Алигес та герӟаськон улсын лыдӟисьёслэн «Родной язык — язык души моей» улосвылкуспо вожвылъяськонзы ортчиз, отчы 200-лэсь трос пинал усточиос пыриськизы, нош кутскись авторъёс понна ялан «Алтын йомгак» рубрика потэ. Газет озьы ик литератураез азинтыны юрттэ, кылбурчиослэсь, прозаикъёслэсь гожтосъёссэс поттыса, тросэз соос берло дыре асьсэлэсь книгаоссэс поттӥзы, улосъёсысь Гожъяськисьёслэн огазеяськонъёссылэн ёзчиоссы луизы. Лыдӟисьёсын мыло-кыдо ужаса, со Татарстанлэн палэназ потӥсь бигер изданиос пӧлысь одӥгез устоез луэ.

Элькунысьтымы улӥсьёслэн йӧскалык шулдыръяськонъёсы пыриськемзы лулчеберетэз утёнлы но азинтонлы юрттэ, йӧскалык кусыпъёсты юнматэ, со «Семья» йӧскалык ӵектослэн азьмугъёсызлы тупа.

Йӧскалык политикая Министр Эдуард Петров ваньзэсты кизён ужлэн йылпумъяськеменыз ӟечкылаз: «Сабантуй — пусйымон ужрад, кудӥз бигер но башкир калыкъёслэсь ужзэс гажамзэс но узыр лулчеберет йылолзэс огазея. Солэн аспӧртэм югдурез  шумпотонэн, спорт азартэн но йӧскалык шудонъёсын тырмемын, со шулдыръяськонэз пӧртэм арлыдъем но калыкъёс понна синмаськымон каре».

Сабантуй шулдыръяськонэз усьтон дыръя сӥё-дано парадын Удмуртиысь, Татарстанысь но Башкортостанысь пӧртэм каръёсысь но ёросъёсысь куноос йӧскалык дӥськутъёссэс возьматӥзы.

Праздникез усьтон дыръя Удмуртиысь, Татарстанысь но Башкортостанысь пыриськисьёс парадын йӧскалык дӥськутэн ортчизы, куинь элькунъёсысь коллективъёс творчествоя номеръёсын шулдыртӥзы.

Шулдыръяськонлэн площадкаосыз башкир но бигер калыкъёслэн лулчеберетэнызы тодматӥзы. Программа улсын этнической костюмъя «Матур кием» вожвылъяськон но Удмуртиысь пӧртэм выжы калыкъёсты огазеясь «Цветы дружбы» акция ортчизы. Валтӥсь аренаын ӵошатсконъёс ортчизы, соос пӧлын «көрәш» йӧскалык нюръяськон но юбо вылэ тубан. Нылпиослы но бадӟымъёслы спортъя но калык шудонъёс дасямын вал: гира спорт, армрестлинг, карнанэн бызьылон, канат кыскан, думылэм синъёсын горшокъёсты жугон, кор вылын мешокъёсын жугиськон, катык юон пушкын коньдон утчан, мешокъёсын бызьылон но мукет.

Егитъёслэн площадкаязы куноосты мастер-классъёс, флешмобъёс, вожвылъяськонъёс но интерактивной шудонъёс витизы.

Юртъеръёс улон-вылонын кутӥськись адӟытонъёс радъязы, отын киын лэсьтэм арбериосты, вашкала арбериосты, озьы ик йӧскалык сиён-юонъёсты возьматӥзы.

Праздник йылпумъяськиз «Сабантуй» валтӥсь батырез сӥё-дано данъянэн. Со Ижкарысь Ильдар Шибаев луиз. Озьы ик спортъя но творчествоя вожвылъяськонъёсын вормисьёсты пусйизы.