Ижкар Администрациын Кызьпу арамаез умоятон ужъёсты эсккеризы

Ижкарысь Кызьпу арамаез умоятон ужъёсты 2021-тӥ арын кутскыны чаклало. «Жильё и городская среда» йӧскалык ӵектосэ пыртэм мер интывылэз утялтон-умоятон ужпумез 3-тӥ пӧсьтолэзе кар администрациын шоркарлэн тӧроез Олег Бекмеметьев кивалтэм улсын кенешонын эскеризы. Со сярысь Ижкар администрацилэн пресс-службаез ивортэ.

2020-тӥ ар пумозь мер интывылэз умоятонъя концепциез юнматыны но проектно-сметной ужкагазъёс дасяны кулэ. Концепци бордын ужась группае «Удмурт Кенеш» огазеяськонысь, кар администрациысь, мер палатаысь, Интывылэз азинтонъя центрысь, «Парки Ижевска» огазеяськонысь, Горстройысь ыстэм муртъёс но этнографи удысысь ӧнерчиос пырозы.

Ватсалом, туэ «Жильё и городская среда» йӧскалык ӵектос улсын Ижкарын 16 мер интывылъёсты, 28 азбаръёсты выльдозы. Ужъёсты быдэстон понна 232 миллион 500 сюрс манет висъямын. Объектъёсты туэ сӥзьыл вуттозы.

Ивор кутэмын Удмуртия ИА-лэн вотэсбамысьтыз.

Сайтысь утчано

Ижкар Администрациын Кызьпу арамаез умоятон ужъёсты эсккеризы