«Шудо визнан» («Счастливая удочка») тол чорыганъя чемпионат ортчоз 10-тӥ тулыспалэ Ижкар тыметлэн Зодчий Дудин нимо ярдураз.

Ӵошатскон одӥг люкетлэсь луоз, кудӥз 4 час кыстӥськоз. Одно ик регистраци ортчоно.

Ӵошатсконлэн мынонэз

Ужрадэ пыриськыны быгато вань мылкыд карисьёс, 18 аресысен кутскыса, озьы ик луонлык вань 14-18 аресъем пиналъёслы анай-атайёсынызы ӵош лыктыны яке, соослэсь лезён сярысь гожтэтсэс вайыса, ас кожазы гинэ пыриськыны.

Котькуд пыриськись тодыны кулэ ӵошатсконлэсь Правилооссэ, кызьы чорыг кутылон дыръя астэ шонер возёно. Янгышамез понна пыриськись алэмын луоз яке сое ӵошатсконысь куштозы.

Вожвылъяськон вакытэ пыриськисьёс но учкисьёс асьсэос кыл куто кышкытлыклэсь утиськон но сьӧразы кутэм арбериоссы пумысен.

Тыметлэн аспӧртэмлыкез: пыдэсыз луо-сумед, вуэз уг бызьы, мурдалаез 1-6 метр, чорыгъёс пӧлын трос чабак, юш, быльккессин.

Чорыгез сюдонъя куронъёс: одӥг пыриськисьлы луло сюдонъёсты (мотыль, опырыш, нумыр) сьӧразы кутыны яра 500 граммозь, нош ас лэсьтэм кӧс но мускытатэм сиёнэз 1 килограммозь.

Йылпумъянъёсты лэсьтон но вормисьёсты шараян «Рыболовный спорт» правиолоосъя радъяськозы.

«Финиш» сигнал бере пыриськисьёс кутэмзэс эскерисьлы сёто. Чорыгъёсты огкадь посудаын весэн мертало. Мертамын луоз чорыг, кудӥз ӵошатскон дыръя кутэмын но лымылэсь но йӧлэсь сузямын.

Кутэм чорыглэн секталаез граммъёсын лыдъяське, котькуд пыриськисьлы баллъёс пуктӥсько: 1 балл = чорыглэн 1 грамм секталаез. Ворме соиз, кудӥз чорыгез мертан дыръя тросгес балл люка.

6.30 – 7.30 – пыриськисьёсты люкан но регистраци

7.30 – 7.50 – ӵошатсконэз усьтон, правилоосын тодматон

7.50 – 7.55 – чорыг кутон секторъёсы пырон, чорыганлы дасяськон

8.00 – вожвылъяськонлэн стартэз

12.00 – вожвылъяськонлэн финишез

12.00 – 13.00 – мертан но йылпумъян лэсьтон

13.00 – 14.00 – вормисьёсты данъетан

Положениез кӧчыртон — Мормышкаен чорыган

Положениез кӧчыртонь — Блеснаен чорыган