Калыкъёслэн Эшъяськон юртазы ужзэ мытоз азербайджан кылэз дышетонъя арнянунал школа. Нырысетӥ занятие 30-тӥ толшоре ортчоз.

Таӵе кичӧлтонэн потӥз Удмуртиысь азербайджанъёслэн «Достлуг» мерлыко огазеяськонзы . Школаез радъясьлэн Шабнам Мамедовалэн верамезъя, туннэ нунал понна нылпиоссылы анай кылзэс дышетон азербайджан семьяос туж кулэлыко ужпум луэ. Школаын пиналъёс азербайджан кылэн, литератураен, калыклэн историеныз но лулчеберетэныз тодматскозы.

Занятиосы ветлыны быгато 8-16 аресъем вань мылкыд карисьёс. Дышетскон понна дун тыроно уз луы. Дышетскисьёсты люкан мынэ на.

Ватсаса ивортодэт таӵе телефонъя – т.89524099689 – Шабнам Мамедова, азербайджан кылэз дышетонъя арнянунал школаысь дышетӥсь.