Вожвылъяськонэз радъяло: Удмурт Элькунысь йӧскалык политикая минитерство, Калыкъёслэн Эшъяськон юртсы, Удмурт Элькунысь бигер егитъёслэн «Иман» мерлыко огазеяськонзы.

Вожвылъяськонэ пыриськыны быгатӥзы Удмуртиын улӥсь, бигер кылэз тодӥсь, 16-25 аресъем нылашъёс.

Котькуд нылаш вотэс бамын нимысьыз анкета гожтӥз, фотозэ ыстӥз. Нырысь этапын 13-тӥ толшорысен 1-тӥ тулыспалозь нылашъёс понна вотэс бамын куара сётон радъяськиз, ӵапак та куараос кулэ луизы налашъёслы финалэ потыны. Тужгес но трос куара люказы 8 нылашъёс.

Финалын вормон понна нылъёслы 3 этап ортчоно луозы. Нырысь ик соос возьматозы бигер дэремлэсь чеберлыксэ, собере жюри дунъялоз нылъёслэсь асьсэды сцена вылын возьыны быгатэмзэс, борысь бигер эконъёсты эктыны быдэстэмзэс но бигер кылэз тодэмзэс шараялозы.

Вожвылъяськонэ пыриськисьёсты рос-прос дасян понна соосын ужало эктонъя, кылъя но кырӟанъя ӧнерчиос. Со сяна быгатонлыкъёссэс но тодон-валанэнъёссэс мастер-классъёсын возьматӥзы кылем аръёсы та вожвылъяськонэ пыриськем нылъёс.

Жюри дунъялоз нылъёслэсь огъя тодон-валанзэс, вераськыны, эктын но кырӟаны быгатэмзэс, сцена вылын асьсэды возьыны быгатэмзэс.

Вормисе потэм чеберина «Татар кызы 2014» ним басьтоз. Со сяна солы дасямын нимысьтыз кузьым – киын лэсьтэм калфак (бигер нылкышноослэн изьызы). Жюри нылъёсты тодмостоз на таӵе нимъёсын: «Сылу кыз», «Уңган кыз», «Сөйкемле кыз», «Ягымлы кыз», «Зирәк кыз», «Зыялы кыз». Учкисьёслы но асьсэлы кельшем нылэз бырйны луонлык сётозы.

Ватсаса тодэт басьтыны луоз таӵе телефонъя: (3412) 63-10-61; 8-950-155-65-27 – Рушана Азар, «Иман» огазеяськонлэн ёзчиез. ВКонтакте вотэсбамысь https://vk.com/event4772106.