12-тӥ инвожое июня Космонавтъёслэн парказы кар удмурт йӧскалык «Гербер» (0+) шулдыръяськон ортчиз. Йӧскалык праздник Россиысь калыкъёслэн огъя луэмзылэн араз яркыт ужрадэзлы пӧрмиз.

Куноосты Россия Кун думаысь депутат Олег Гарин ӟечкылаз.

Одӥгез валтӥсь площадкаос пӧлын – нылпиослы «Пичи Гербер» йӧскалыккуспо фестиваль. Пиналъёс пӧртэм калыкъёслэсь лулчеберетсы сярысь тодӥзы, мастер-классъёсы ветлӥзы, йӧскалык шудонъёсы пыриськизы. Озьы ик пичиос тужгес но усто быгатонлыкъёссэс сцена вылын возьматӥзы.

Сцена вылын кырӟазы-эктӥзы Ижкарысь коллективъёс но ансамбльёс. Соос пӧлын: «Инкрезь», «Азвесь», «Ягдор», «Задор мылкыд», «Чильтер», «Инвожо», «Тюрагай», «Сюрприз» студия, «Айкай» кун театр, «Шулдыр ӝыт».

Адямиос ческыт сиён-юонэн куно кариськизы, валтӥсез соос пӧлысь «Ческыт Ӝук» сиён, озьы ик ярмаркае пыриськизы.

Ужрад ӵоже котькудӥз яркыт туспуктэмъёс карыны быгатӥз, спорт вожвылъяськонъёсы но йӧскалык шудонъёсы пыриськизы. Йылпумъяськиз Ижкар Гербер шулдыр эктонъёсын.

Элькунысьтымы улӥсьёслэн йӧскалык шулдыръяськонъёсы пыриськемзы лулчеберетэз утёнлы но азинтонлы юрттэ, йӧскалык кусыпъёсты юнматэ, со «Семья» йӧскалык ӵектослэн азьмугъёсызлы тупа.

Ижкарысь Гербер шулдыръяськонлэн радъясьёсыз – «Удмурт Кенеш» огазеяськон но Ижкар ёрослэн администрациез.