11-тӥ толшоре Удмурт шаерын ог 600 пыриськисьёс люкаськизы стратегической сессие. Отын пыр-поч эскеризы элькунын егитъёсын ужанъя политикалэсь тенденциоссэ, шараязы шуг-секытъёсты но соосын нюръяськон амалъёс дэмлазы. Озьы ик пӧртэм удысъёсъя ужан план лэсьтӥзы.

Ужрадэ озьы ик пыриськизы УЭ-ысь йӧскалык политикая министерствоын но Калыкъёслэн эшъяськон юртазы ужась ӧнерчиос.

«Молодежная политика в районах и ведомствах УР: «Что там по молодежке?» секциын докладэныз тодматӥз министрлэн воштӥсез Александр Филатов. Александр Владимирович Йӧскалык политикая министерстволэн Удмуртиысь егитъёсын ӵош ужанъя амалъёсыныз тодматӥз.

Егитъёсын герӟаськемын кысык юанъёсты оглом 14 тематической площадкаосын пыр-поч эскеризы.

Туспуктэм: УЭ-ысь егитъёсын ужан политикая Агенство, «ШУНДЫ» огазеяськон.