2-тӥ тулыспалэ Ижкарысь кафеос но ресторанъёс, кудъёсыз нюръясько «Зарни пельнянь» преми понна, пельнянь кутонъя мастер-классъёс ортчытыны кутскозы.

Мастер-классъёс таӵе кафеосын радъяськозы:

2-тӥ тулыспал – «СУП» сиськонниос, кутскоз 18.00 часэ.

3-тӥ тулыспал – «САЛЬСАБАР» ресторан, кутскоз 19.00 часэ.

5-тӥ тулыспал – «Сделано Солнцем» кафе, кутскоз 16.00 часэ.

5-тӥ тулыспал – «Горячий пельмень» кафе, кутскоз 16.00 часэ.

7-тӥ тулыспал – «ПЕЛЬМЕНАРИЙ» кафе, кутскоз19.00 часэ.

8-тӥ тулыспал – «Барвинок» кафе, кутскоз 18.00 часэ.

9-тӥ тулыспал – «Меццо» кафе, кутскоз 19.00 часэ.

Мастер-класъёслэсь расписанизэс учкыны луэ татысь: https://pelmenfest.ru/fest/masterclass/. Таӵе дышетӥсь ужрад сяна, вожвылъяськонэ пыриськисьёс тулыспал толэзьлы нимысьтыз «пельнянь» меню кылдытӥзы.

Тодады вайытом, Фестивальлэн валтӥсь ужрадэз ортчоз 11-тӥ тулыспалэ Ижкарысь Шор площадьын. Ужрадлэн девизэз – «Ми пуктомы рекорд!» Та нуналэ пӧртэм рекордъёс юнматэмын луозы: массовой – Рекордъёсын калыккуспо книга понна, семьялэн но нимаз адямилэн рекордэз – фестивальлэн но Удмурт Элькунлэн историез понна.