16-тӥ оштолэзе Егитъёслэн юртазы «Татар кызы-2017» вожвылъяськонлэн финалэз ортчоз. Ужрадэз элькунысьтымы бигер егитъёслэн «ИМАН» огазеяськонзы ортчытэ. Солэн одӥгез валтӥсь меретэз – бигер калыклэсь кылзэ но сям-йылолъёссэ вӧлмытон. Радъясьёслэн верамзыя, вожвылъяськон арысь аре тунсыкогес но паськытгес луэ. Туэ вожвылъяськыны 30 нылашъёс мылкыд каризы. Чеберинаос возьматӥзы сцена вылын асьсэды возьыны быгатэмзэс, бигер кылэз тодэмзэс, творческой быгатонлыкъёссэс. Ваньзэ тае лыдэ басьтыса, быръемын вал 10 тужгес но устоосыз нылъёс.

Финалын жюри дунъялоз нылъёслэсь киужен выремзэс, кырӟаны-эктыны быгатэмзэс, тодон-валанзэс, калык сиёнъёсты пӧраны багатонлыксэс но сцена вылын чебер воземзэс. Вожвылъяськонэ пырем нылъёс пусъемын луозы дуно кузьымъёсын, нош конкурслэн вормисезлы бигер изянлэн элементъёсыныз лэсьтэм корона кузьмалозы.

Со сяна, Вконтакте группае vk.com/tk2017ur пырыса, котькуд мылкыл карись чеберинасты адӟыны но соос понна куара сётыны быгатэ. Учкисьёслэсь чебериназэс быръён кыстӥськоз 16-тӥ оштолэзёзь 12.00 часозь.