Ӟуч Православной черклэн Россиысь но кунгож сьӧрысь епархиосаз юрттэт курисьёслэн лыдзы будэ. Юрттэт сётонъя Синодальной ёзэтлэн Милосердие.ру вотэсбамын калыклы юрттэт сётон вылысь коньдон люкан радъямезлы луыса, 21 епархиос 5,1 миллион манет басьтӥзы ини. Вуоно дыре эшшо 21 епархия 1,5 миллион манет басьтоз. «Доброе сердце» коммерциен герӟаськымтэ огазеяськон пыр Ижкарысь епархие но юрттэт вуиз. 200 000 манетлы сиён-юонэн 200 бичет дасямын ини. Бичетлэн секталаез 11 килограмм. Соосты пӧсьтолэзьлэн пумаз секыт югдуре шедемъёслы сётъялозы.

«Ми нырысь ик юрттӥськомы соослы, кин та секыт вакытэ пӧртэм мугъёсъя кунлэсь коньдон юрттэт ӧз басьты яке соин люкаськем пунэмъёссэ тыриз. Таӵе югдуре шедемъёс пӧлын трос нылпиё семьяос, оген анайёс, секыт висисьёс, пересьёс, сӧсыр адямиос, семьяос, кудъёсаз нылпиос 16 ареслэсь бадӟымесь ини», – ивортӥз Ижкарысь епархиысь мерлыко ёзэтэн кивалтӥсьлэн воштӥсез Алексей Артемьев.

Карантин сюбегатонъёс ичиёмытэмын ке но,храмъёсы но епархиосы юрттэт курыса вазиськисьёслэн лэслыдзы йылэ.

Ижкарысь епрахилэн пресс-службаезлэн но Диакония.ru вотэсбамлэн материалзыя.

Туспуктэм: Ижкарысь и Удмуртиысь епархия