Та нуналъёсы субботник ортчиз, кудӥз мечете ветлӥсьёсты но асмылкыдчиосты огазеяз. Ужрадэ пӧртэм аресъем адямиос пыриськизы – мӧйыос но, егитъёс но.

Субботникын усем писпуосты октылӥзы, газонъёсты утялтӥзы, скверез чылкытатӥзы.

Тодэ вайытом, Ижкарысь Ленин ёросын сӥзьыл патриотизм шӧмо но тазалыкез юнматон «Шунды» скверез усьтӥзы. Сое кык арлэсь кема карын улӥсьёс кылдытӥзы, меценатъёсылэн но спонсоръёслэн юрттэменызы «Наша инициатива» но «Без границ» ӵектосъёсы пыриськылыса. Бадӟым юрттэт та интыез кылдытон понна каризы Удмуртиысь муфтийлэн юрртӥсез Флюр Гайнанов но азьветлӥсь Марат Касимов.

«Шунды» скверын футбол шудыны площадка дасямын, спорт тренажёръёс, ӝӧквыл теннисэн шудыны но шутэтскон понна ӝӧкъёс пуктэмын, татын ик геройёслэн аллеязы но «Таволга венчает белых журавлей» нимо синпелет кылдытэмын, кудӥз нимысьтыз ожгар ужрадын бырем пыриськисьёслы сӥземын.

Та ӵектос «Росмолодёжь» Россиякуспо вожвылъяськонлэн вормисез луиз.

Туспуктэм: Удмуртиысь Мусульманъёслэн Улосвыл Духовной Кивалтэтсылэн.