Сайтысь утчано

Удмурт элькунысь йӧскалык политикая министерство
Сайтысь утчано
Калыкъёслэн эшъяськон юртазы Йӧскалык политикая министрлэн но Мерлык кенешлэн кичӧлтэмзыя яланлыко ужась совещанилэн кенешонэз ортчиз
05 May 2023 Иворъёс

Калыкъёслэн эшъяськон юртазы Йӧскалык политикая министрлэн но Мерлык кенешлэн кичӧлтэмзыя яланлыко ужась совещанилэн кенешонэз ортчиз

Ужрадэ пыриськисьёслы ӟечкылан кылъёсын вазиськиз Тӧро но Кивалтэт Администраци кивалтӥсьлэсь ужзэ быдэсъясь Александр Журавлев. Министр Эдуард Петров йӧскалык-лулчеберетъя огазеяськонъёсысь ёзчиосты та вакытлы калыкъёс куспын кылдэм югдурен тодматӥз. Россия Федерацилэн УЭ-ъя Минюстысьтыз Кивалтэтын начальниклэсь ужзэ быдэсъясь Ольга Коробейникова ивортӥз коммерциен герӟаськымтэ огазеяськонъёслэн катралдыказы 2023-тӥ аре пыртэм воштӥськонъёс сярысь. Историяя, кылъя но литературая Удмурт институтысь тодосъёсъя валтӥсь ӧнерчи Рустам Каюмов мадиз Удмурт Элькунын йӧскалык кусыпъёс, СВО вакытысь выль кышкытлыкъёс сярысь. Калыкъёслэн эшъяськон юртсылэн директорез Юлия Шахтина егитъёслы БУД ЭтноАкселератор ортчем ужрадъя йылпумъянъёс лэсьтӥз, этноволонтёръёслэсь корпус кылдытон сярысь вераз.

Со сяна, сэрттэмын-пертчемын вал таӵе юанъёс:

  • этнокультурной акциос но ужрадъёс, конфессиос но калыкъёс куспын спорт ӵошатсконъёс ортчытъян;
  • СВО-е пыриськисьёслы но соослэн семьяоссылы юрттон;
  • экстремизмлы но терроризмы пумит луонъя нимысьтыз площадкаосты ужатон;
  • элькунысь муниципал кылдытэтъёсын кун йӧскалык политикая удысысь ивортодэто интывыл кылдытонъя ужез радъян;

Министр, йылпумъянъёс лэсьтыса, пыриськисьёслы грантовой но субсидия сётонъя вожвылъяськонъёсы пыриськыны луонлыкъёсты тодэ вайытӥз.

 

 

Поделиться