23-тӥ шуркынмонэ Калыкъёслэн эшъяськон юртазы УЭ-ысь Йӧскалык политикая министр бордын ялан ужась кенешон ортчоз.

Ужрадын УЭ-ысь кун йӧскалык политика удысысь ужпумъёсты эскерозы, озьы ик «Глобальный контекст украинского кризиса» лекция ортчытэмын луоз. Эдуард Петров этносъёс куспын ортчытъяськись ужрадъёс сярысь ивортоз но «Народы России» Россиякуспо форумлэн йылпумъянъёсыз сярысь вералоз, кудӥз шуркынмонэ ортчиз. МВД-ысь миграци ужъёсъя кивалтоннилэн начальникез Удмурт Элькунысь миграци югдурен тодматоз. Озьы ик кулэлыко ужрадъёсъя дэмланъёс сярысь кенешозы, кудъёссэ 2024-тӥ аре этнодырпусэ (этнокалендаре) пыртоно луоз.