18-19-тӥ куарусёнэ Калыкъёслэн Эшъяськон юртазы «Дом дружбы как модель ресурсного центра в сфере национальных отношений «Единство российской нации» (Калыкъёслэн Эшъяськон юртсы – «Росси йöскалыклэн огинлыкез» йӧскалык политика удысысь ванёс центрлэн модэлез) нимо семинар радъяськоз.

Семинаре öтемын Россия Федерациысь Калыкъёслэн эшъяськон юртъёслэн директоръёссы, коммерциен герӟаськымтэ мерлыко огазеяськонъёслэн кивалтӥсьёссы, ивор вӧлмытӥсь валтосъёс, кун но муниципал тӧрлык ёзэсъёс, Мерлыко палатаослэн ёзчиоссы, Россиысь калыкъёслэн Ассамблеязылэн улосъёсысь ёзэтъёсызлэн ёзчиоссы, йöскалык кусыпъёс удысысь экспертъёс.

Семинарез нуоз – Борис Маркович Островский, Кивалтонния «Сколково» Мускоысь школалэн ӵектосъёсъя директорез.

Семинарлэн ужаз пыриськозы Удмурт Элькунысь йöскалык политикая министр Л.Н. Буранова, Россиысь калыкъёслэн Ассамблеязылэн Кенешезлэн кивалтӥсезлэн воштӥсез, истори тодосъёсъя доктор, профессор Леокадия Дробижева, Россиысь антропологъёслэн но этнологъёслэн Ассоциацизылэн Президентэз, истори тодосъёсъя доктор профессор А.Е. Загребин.

Валтӥсь ужпумез семинарлэн – йöскалык политика удысын ванёсъя центрлэсь модэльзэ кылдытон.

Семинаре пыриськон понна заявка сётыны луэ 11-тӥ куарусёнозь 8 (3412) 63-10-52 факсъя яке ddnodm@mail.ru электрон почтая.

Семинарлэн программаеныз тодматсыны луэ татын: https://vk.com/dom.druzhby?w=wall-6721781_3703%2Fall

Ватсаса ивортодэт басьтыны луэ тачӵе телефонъя: 8 (3412) 68-77-98 – Удмурт Элькунысь йöскалык политикая министрствоысь план лэсьтонъя но этнокультура азинтонъя ёзэтлэн кивалтӥсез.