9-тӥ инвожое Удмурт Элькун Тӧролэн но Кивалтэтлэн администрацизылэн кивалтӥсез Сергей Смирнов элькунысьтымы казак огазеяськонъёслэн атаманъёсынызы пумиськылӥз.

«Казакъёс кунмылэн азинтӥськоназ котьку но валтӥсь инты басьтӥзы: кунмылы служить каризы, выль музъемъёс усьтылӥзы, асьмелэн бадӟым шаермылэсь экономиказэ азинтӥзы, шаермес утизы. Туннэ нуналэ казакъёслэсь сям-йылолзэс улӟытон азинтӥське», – пусйиз Сергей Смирнов аслаз вазиськоназ.

Удмуртиысь казакъёслэн тыршеменызы Эгра каргуртын но Ижкарын 16 кадет классъёс кылдытэмыны: Арлы быдэ ортчо кадетъёслэн ёроскуспо слётъёссы, радъясько гужем воено-спортивной лагеръёс но казак шудонъёс, казак лулчеберетлы но кырӟанлы сӥзем «Даниловские встречи», «Вольница», «Станица» вожвылъяськонъёс-фестивальёс. Сарапул, Грак, Каракулино, Эгра, Якшур-Бӧдья ёросъёсын но Ижкарын казак коллективъёс кылдытэмын.

Элькунамы кылдытэмын казак дружинаос, кудъёсыз Удмурт Элькунысь кунпуш ужъёсъя министерствоен ӵош мер кышкыттэмлыкез утёз. Кунмес юнматон, утён, егитъёсты визьнодан ужъёс странаямы котьку но казакъёсын ӵошен быдэстӥськизы. С.В. Смирнов аслэсьтыз оскемзэ вераз, старнамылы служиь карон вылысь, элькунысьтымы казак огазеяськонъёс огкыл шедьтозы но ченгешонъёслэсь палэнтӥськозы шуыса. 2019-тӥ арын элькунмы пусъёз М.Т. Калашниковлэсь 100 ар тырмонзэ, нош 2020-тӥ арны Удмуртилэсь кунлык басьтэм дырысеныз 100 ар тырмонзэ – та ужрадъёсты казак огазеяськонъёсын ӵошен ортчытыны кулэ. Соин ик али казак ужъёсъя ужась группалэсь ужзэ выльдоно, 2018-тӥ но азьпал аръёслы лэсьтэм планъёсы воштонъёс пыртылоно. Сергей Витальевич, казакъёслэсь кун тӧрлык ёзэсъёслэсь ӵошен ужзэс эшшо но пайдалыко карон понна, Удмурт Элькунысь йӧскалык политикая министрез Лариса Бурановаез элькунысьтымы тӧрлык ёзэсъёсын но интыысь кивалтэтъёсын ӵошен, мерлыклэсь малпанъёссэ лыдэ басьтыса, планъёсы воштонъёс но ватсанъёс дасяны куриз.

Пумиськонэ лыктэм атаманъёс вакчияк веразы огазеяськонъёслэн ужъёссы сярысь, еросъёсысь кивалтэтъёсын но быдэсъясь тӧрлык ёзэсъёсын ӵошен ужан сярысь ӵектонъёс сётӥзы.

Удмурт Элькунысь ожгар комиссар Александр Комлев ивортӥз казакъёсты ожгар учётэ султытонлэн радлыкез сярысь. Росгвардилэн Удмурт Элькунъя кивалтонниысьтыз Николай Мезляков казакъёслэсь но Росгвардилэн ожгар частьёсызлэсь огъя ужзэс радъян сярысь вераз. Россия Федерациысь юстици министерстволэн Удмурт Элькунъя кивалтэтэзлэн кивалтӥсез Ольга Филиппова казак огазеяськонъёсты пусъёнлэн аспӧртэмлыкъёсыныз тодматӥз.

Удмурт Элькунысь Тӧролэн но Кивалтэтлэн администрацизылэн кивалтӥсез Сергей Смирнов казакъёсын пумиськонэз азьланьтыны ӵектӥз.

Туспуктэм: Удмурт Элькун Тӧролэн Кивалтэтлэн пресс-службаез.