27-тӥ куартолэзе Каракулино черкогуртын «Кирилл но Мефодий дырысен туннэ нуналозь» нимо элькун фестиваль радъяськоз. Ужрадлэн валтӥсь меретэз – славян лулчеберетэз но православиез вӧлмытон, пӧртэм выжыысь калыкъёслэсь кусыпъёссэс радъян.

Фестиваль сӥземын луоз кылем дауре ортчем революцилы но Александр Невскийлэн Йӧ вылын ожмаськонын вормонэзлы (775 ар тырме).

Люкаськем калыкез шулдыртозы Каракулино, Сарапул, Камбарка, Кияса, Грак, Дэри, Вотка ёросъёсысь, Сарапул карысь но Ижкарысь лыктэм коллективъёс. Куноос понна площадьын кибашлыослэн ужъёсынызы вузкарон-адӟытон, калык шудонъёсын но шулдыръяськонъёсын площадкаос ужалозы .

Ужрад кутскоз 10.00 часэ.