Та вожвылъяськон Удмурт Элькунлэн «Этносоциальное развитие и гармонизация межэтнических отношений», «Удмурт Элькунысь кун кылъёсты но Удмурт Элькунысь мукет калыкъёслэсь кылъёссэс утён, дышетон но азинтон» кун программаосты быдэстон улсын ортчытэмын но коммерциен герӟаськымтэ мерлык огазеяськонъёслэсь йӧскалык кусыпъёсты умоятонъя но экстремизмлэсь, терроризмлэсь утиськон профилактикая удысъёсын нуэм ужъёссылы юрттэт сётыны но стимулировать карыны ӧръямын.

Вожвылъяськон ортчытӥське коммерциен герӟаськымтэ огазеяськонъёслы ӵектосъёсты, ужрадъёсты быдэстонлы но кун йӧскалык политика удысъя ортчись улоскупсо ужрадъёсы пыриськон понна коньдон сётон радлыкъя, кудӥз Удмурт Элькун Кивалтэтлэн 157-тӥ номеро пуктэт-постановлениеныз (27-тӥ оштолэзь 2018-тӥ ар) юнматэмын.

Вожвылъяськон таӵе номинациосын радъяськиз:

1) Россиякуспо кунмурт идентичностез кылдытонлы но кун шулдыръяськонъёслы сӥзем СОНКО нимысьтыз ужрадъёслы субсидия сётон (Россиялэн нуналэз, Калыкъёслэн огазеяськон нуналзы);

2) нылпиослы но егитъёслы патриотизмо мылкыд пыӵатонлы, Быдӟым Атыкай тыложын ожмаськем пӧртэм калыкъем батыръёслэсь истори эскертэтсэс дышетон понна тунсыксэс, шаерысьтымы геройлыко учыръёсты гажанзэс ӝутонлы сӥзем СОНКО ӵектосъёслы субсидия сётон;

3) патриотизмо ӵектосъёслы (акциослы), кудъёсыз терроризмен нюръяськон Нуналлы, егитъёслэсь граждан мылкыдзэс кужмоятон удысын терроризмлы но экстремизмлы пумит сӥземын;

4) Россия Федерациысь кун ӟуч кылэз утёнлы но азинтонлы сӥзем СОНКО ӵектосъёслы (лагерной сменаослы) субсидия сётон;

5) Россиысь калыкъёслэсь сям-йылолъёссэс, лулчебертсэс, аспӧртэмлыксэс утёнлы но азинтонлы сӥзем СОНКО ӵектосъёслы (егитъёслы сӥзем этнокультурной интеллектуал шудонъёслы);

6) этнокультура но проект ужъёсы егитъёсты пыртонъя дышетон программаосты кылдытонлы сӥзем СОНКО ӵектосъёслы субсидия сётон;

7) кун йӧскалык политика, озьы ик конфессиос но калыкъёс вискын кусыпъёсты умоятонлы, лулчеберет но кыл аспӧртэмлыклы, йӧскалык но религиозной экстремизмлы пумит луонлы, кунгож сьӧрысь муртъёслэн адаптацизылы сӥзем СОНКО ӵектосъёслы субсидия сётон;

8) кун йӧскалык политика, озьы ик конфессиос но калыкъёс вискын кусыпъёсты умоятонлы, лулчеберет но кыл аспӧртэмлыклы, йӧскалык но религиозной экстремизмлы пумит луонлы, кунгож сьӧрысь муртъёслэн адаптацизылы сӥзем СОНКО нимысьтыз ужрадъёслы субсидия сётон;

9) Россиысь калыкъёслэсь кылъёссэс дышетонъя шутэтскон нуналъёсы ужась этнокультурной школаослэсь, курсъёслэсь (соос пӧлын онлайн-курсъёс) ужзэс радъянэн герӟаськем СОНКО ӵектосъёслы субсидия сётон;

10) Удмурт Элькунысь кун но мукет кылъёсты дышетонэз вӧлмытонлы сӥзем СОНКО ӵектосъёслы (диктантъёслы) субсидия сётон;

11) Россиысь казакъёслэн лулчеберлыко-история сям-йылолъёссы вылын нылпиослы но егитъёслы патриотизмо, лулпуш-сӥбурлыко мылкыд пыӵатонлы, ожгар но мугор кыдатон дасянлы сӥзем СОНКО ӵектосъёслы (улоскуспо слётлы) субсидия сётон.

Вожвылъяськонлэн йылпумъянъёсыныз но ӧрилэн протоколэныз тодматскыны луоз Министерстволэн вотэсбамаз «Конкурсное распределение субсидий в 2024 году» люкетын.

Ватсам ивортодэт таӵе номеръя шедьтыны луэ: 68-77-98 (доб. 140) – Александр Юрьевич Корепанов, 68-69-66 (доб. 130) – Анна Александровна Гордина.