Удмурт кун университетын тодос-дышетонъя но лулчеберетъя Ӟуч-узбек цетрен ӵош, Удмурт кыллэн нуналэзлы сӥзьыса, ужрад ортчиз.

Ужрадэ пыриськиз но ӟечкылан кылъёсын вазиськиз Александр Филатов, йӧскалык политикая министрлэн воштӥсез. Со пусъе, центрлэн ужез ялан кужмоя шуыса. Александр Владимирович вера: «Калыкъёсын ӵош ужан азинтӥське. Элькунысь вузъёсын дышетскись кунгожсьӧр студентъёс огазеясько ӟуч калыкен, удмурт калыкез но лыдэ басьтыса».

Студентъёс но Узбекистан школаосын дышетскисьёс яркыт номеръёс возьматӥзы. Удмурт кун университлэсь данзэ утиз «Чипчирган» ансамбль.