Удмурт Элькунысь йӧскалык политикая министерство мерлыко огазеяськонъёслы 2020-тӥ арын калыкъёслэсь кусыпъёссэс но ог-огзэсты валанзэс азинтыны юрттӥсь ӵектосъёссэс быдэстыны но нимаз ужрадъёс ортчытыны субсиди сётон вылысь вожвылъяськон ялэ (азьланяз – Вожвылъяськон).

Вожвылъяськонлэн условиосыз:

• ӵектосъёсты быдэстон понна курем коньдон 100 сюрслэсь ятыр луыны кулэ ӧвӧл, ортчытон дырыз – 2020-тӥ ар (вазиськонлэн 1-тӥ формаез);
• нимаз ужрадъёсты ортчытон понна курем коньдон 30 сюрслэсь ятыр луыны кулэ ӧвӧл, ортчытон дырыз – 2020-тӥ ар (вазиськонлэн 2-тӥ формаез);
• этногастрономической туризмез вӧлмытонлы но азинтонлы сӥзем ӵектосъёсты быдэстонлы курем коньдон 2 миллион но 240 сюрслэсь ятыр луыны кулэ ӧвӧл, ортчытон дырыз – 2020-тӥ ар, толшор – тулыспал толэзьёс (вазиськонлэн 1-тӥ формаез);
• вотэс бамын удмут кылын аудио но видео контент кылдытонлы сӥзем ӵектосъёсты быдэстонлы курем коньдон 150 сюрслэсь ятыр луыны кулэ ӧвӧл, ортчытон дырыз – 2020-тӥ ар, (вазиськонлэн 1-тӥ формаез);
• пиналъёслэсь кык кыл тодонзэс азинтонлы, Удмуртиын улӥсь калыкъёслэсь анай кылзэс дышетонъя курсъёсты радъянлы сӥзем ӵектосъёсты быдэстонлы курем коньдон 350 сюрслэсь ятыр луыны кулэ ӧвӧл, ортчытон дырыз – 2020-тӥ ар (вазиськонлэн 1-тӥ формаез);
• туала егит этнокультураез азинтонлы, калык крезьгуръя пӧртэм ӧръёсты огазеясь выль форматэн площадка но калык шӧмо дӥськут кылдытонлы сӥзем ӵектосъёсты быдэстонлы курем коньдон 1 миллионлэсь ятыр луыны кулэ ӧвӧл, ортчытон дырыз – 2020-тӥ ар, гудырикошкон толэзь (вазиськонлэн 1-тӥ формаез);
• Удмурт Элькунлэн палэназ, Россия Федерацилэн мукет улосъёсаз, улӥсь удмуртъёслэсь удмурт кылзэс, лулчеберетсэс утёнлы, улосъёслэсь кусыпсэс азинтонлы сӥзем ӵектосъёсты быдэстонлы курем коньдон 1 миллион но 286 сюрслэсь ятыр луыны кулэ ӧвӧл, ортчытон дырыз – 2020-тӥ ар (вазиськонлэн 1-тӥ формаез).
• пиналъёслэсь но быдэ вуымтэослэсь пӧртэм выжыысь калыкъёс сярысь тодон-валанзэс муромытонлы, ог-огзэс валаны но гажаны дышетонлы, школаын дышетскисьёсын Быдӟым Атыкай ожлы сӥзем тодослыко ужъёс гожтонлы сӥзем ӵектосъёсты быдэстонлы курем коньдон 480 сюрслэсь ятыр луыны кулэ ӧвӧл, ортчытон дырыз – 2020-тӥ ар, 30-тӥ инвожоозь (вазиськонлэн 1-тӥ формаез).

Ӵектосъёсты улонэ пыӵатыны коньдон висъяське Россия Федерациысь «Йӧскалык кун политиказ азинтон» программаез но Удмурт Элькунысь «Йӧскалыкъёслэсь мерлыко улонзэс азинтон но кусыпъёссэс юнматон» нимо кун программаез быдэстон улсын. Вожвылъяськонлэн валтӥсь мугез – мерлыко огазеяськонъёслы йӧскалык кусыпъёсты радъянлы но экстремизмен нюръяськыны сӥзем ужрадъёсты ортчытыны юрттэт сётон Удмурт Элькун Кивалтэтэн 2018-тӥ аре 27-тӥ оштолэзе кутэм 157 номеро пуктэтэн юнматэм Радлыкъя.

2020-тӥ арын ортчытоно ужрадъёсын вазиськонъёсты, сётэм кабъёсъя гожтыса но кагаз вылэ поттыса, 13-тӥ толшорысен 24-тӥ толшорозь ваёно Министерствое таӵе адресъя: Ижкар к., Орджоникидзе ур., 33 Б, 3-тӥ бӧлет.

Ватсаса юалляськоно: (3412) 68-78-39 – Алена Игоревна Калинина, Удмурт Элькунысь йӧскалык политикая министерствоысь йӧскалык кусыпъёсты радъянъя ёзэтысь ӧнерчи.