18-тӥ куарусёнэ Ижкарысь легкоатлетической манежын Удмурт Элькунысь II Межконфессиональной спартакиадалэн витетӥ этапез ортчиз.
Пыриськисьёс дартсын но пневматической пыӵалысь ыбылӥськонын ӵошатскизы. Вань мылкыд карисьёслэн Быдэс Россиысь физкультурно-спортивной комплексэз (ГТО) сётыны луонлыксы вал.

Ӵошатсконэ республикаысь пӧртэм конфессиосысь 157 адями пыриськиз. Удмурт Элькунысь йӧскалык политикая министерствоысь мониторингъя но йӧскалык кусыпъёсты эскеронъя ёзэтэн кивалтӥсьлэн воштӥсезлэн Михал Степнлэн верамезъя, спартакиадалэн валтӥсь ужпумез – огазеяськонъёсты ӵош ужан понна ас бордаз кыскыны но религиос куспын вачевераськонъёсты азьланьтыны.
Та нуналэ ик ыбылӥськонъя ӵошатсконын йылпумъянъёс лэсьтэмын вал.

Вормисьёс пӧлын:
— Постовалова Елизавета (18 ареслэсь бадӟым нылъёс);
— Вахрушев Петр (18 ареслэсь бадӟым пиос);
— Карпова Александра (18 аресозь нылъёс);

— Чирков Иван (18 аресозь пиос).

Дартсъя вормисьёс:
— Салтыкова Надежда(18 ареслэсь бадӟым нылъёс);
— Лыкуш Николай (18 ареслэсь бадӟым пиос);
— Богданова Дарья (18 аресозь нылъёс);
— Колупаев Евгений (18 аресозь пиос).

Огазеяськонъёслэн вуоно пумиськонзы теннисэн шудыса ортчоз.
Куасэн бызьылонъя, скандинавской ветлонъя, легкоатлетической кроссъя, семьяос вискын ӵошатсконъёсъя стартъёс ортчизы ни. Православной мусульманъёс, старообрядецъёс, лютеранъёс но иудейёс спарткиадае мылысь-кыдысь пырисько. Тодады вайытӥськом, нырысьсэ Удмурт Элькунын таӵе ӵошатскон 2021-тӥ арын ортчиз.