4-тӥ гудырикошконэ Можгакарын Сюга шур дурын выль октэм емышъёслы сӥзем «Выль» шулдыръяськон ортчоз. Ужрадлэн валтӥсь меретэз удмурт калыклэсь сям-йылолъёссэ утён но азинтон, удмурт калык лулчеберетэз вӧлмытон, егитъёсыз калыклэн историеныз тодматон.

Та нуналэ шур дурын кылдоз Выльгурт, кудӥзлэн ульчаосаз бакчаын но садын будэтэм сиёнъёсын «Ужам уж ассэ возьматэ» адӟытон-вузкарон интыяськоз. Озьы ик куноос понна ужалозы пӧртэм мастер-классъёс.

Шулдыръяськонлэн радэз:

9.00 – «Ужам уж ассэ возьматэ» – адӟытон-вузкарон, мастер-классъёслэн ужзы;

10.30 – Шулдыръяськонэз сиё-дано усьтон;

11.15 – «Азвесь сюрло» – кузпалъёслы вожвылъяськон;

«Кӧжыпогъёс» – нылпиослы шудон азбар;

12.00 – «Быгылес сяртчыос» – спорт шудонъёсъя площадка;

«Быдэ вуон» – егит нылъёслы но пиослы шудон-вожвылъяськон;

«Калыкын – шулдыр, дорын – кӧттыр» — эктон – кырӟан азбар;

13.00 – «Выль кужым» — шудон-серектон азбар.

Йылпумъяськоз шулдыръяськон позыръяськонэн, кудаз пыриськозы тодмо удмурт кырӟасьёс но артистъёс.

Ватсаса юалляськоно (3412) 63-10-26 телефонъя.