«Пельняньлэн калыккуспо нуналэз» (0+) этногастрономической фестиваль улсын «Мынам семьяе – мынам узырлыке» («Моя семья — моё богатство») (0+) туспуктэмъёсъя вожвылъяськон радъяськоз.

Вожвылъяськон 26-тӥ толсурысен 2023-тӥ аре 6-тӥ тулыспалозь 2024-тӥ арозь ортчоз. Татчы пыриськисьёс вотэсбаме пукто ас семьязылэсь туспуктэмзэ, куке соос пельмень яке ас калыксылэсь сиёнзэс пӧрало, фото бордын тунсыко гожтэм текст луыны кулэ.

Туспуктэмез мадёнэн ВКонтакте вотэс баме поттоно #МояСемья #Пельменьфест #МиннацУР хэштэгъёсты уже кутыса.

Вожвылъяськон куинь номинациосъя ортчоз:

— «Тужгес бадӟым семья» –  «Самая большая семья»

— «Тужгес шулдыр пельнянь кутон» –  «Большое пельменолепие»

— «Тужгес но тунсыко мадёс» – «Лучшая история»

Туспуктэмъёсъя вожвылъяськонэ вань мылкыд карисьёс пыриськыны быгато. Арлыдъя возетъёс малпамын ӧвӧл. Пыриськись туспуктэмлэн кузёез кулэ луыны. Туспуктэмъёсъя марафон ортчыку ВКонтакте вотэс бамын пыриськисьлэн аккаунтэз усьтэмын кулэ луыны.

Вормисьёсты 10-тӥ тулыспалэ Ижкарысь Шор площадьын данъеталозы.

Вожвылъяськон «Семьялэн Арез»-лы сӥземын, кудзэ Россиысь Президент Владимир Путин юнматӥз.

Пыр-почгес Вожвылъяськонлэн положенияз.