2020-тӥ арысен #МЫВМЕСТЕ мынэт-ужрад – со Россия мерлыклэн тужгес но секыт, кризис дыръёсаз огазеяськыны быгатэмлэн яркыт примерез. Коронавирус пандемия сэрен вордскем штаб аслэсьтыз ужзэ умой возьматэ инкуазь шимучыръёс дыръя но, ожгар операция кутскон дырысен но. Сюрсъёсын кӧчыса лыктэм муртъёс волонтёръёслэсь юрттэт басьтӥзы. Али ужрад кужмоя но паськыта. Асмылкыдчиос (волонтёръёс) мобилизировать карем пиослэн, картъёслэн, атайёслэн, вынъёслэн, нунокъёслэн сямьяосазы юрттӥськыны лыкто. Асьсэлэсь геройёссэс сборъёсы келямзы бере, семьяос матысь адямиоссы понна весь сюлэмшугъясько, озьы ик кылдо ужпумъёс, кудъёссэ азьвыл воргоронъёс асьсэ доразы лэсьто вал.

2022-тӥ аре куарусёнысен выльдэм #МЫВМЕСТЕ мынэт-ужрад ас ужзэ азьланьтэ Россилэн котькудь улосвылысьтыз 1000 волонтёр штабъёсын, университетъёсын, школаосын, добро.цетръёсын. Асмылкыдчиос мобилизация улсы сюрем семьяослы юрттӥськыны кутскизы: уй но нунал сётэмын луоз психологи, юридик, улон-вылон ужпумъёсъя, гуманитарной юанъёсъя юрттэт. Озьы ик калык юрттэтъя сервисъёслэн ужзы лэземын луоз: МЫВМЕСТЕ.РФ выльдэм вотэсбамын но 8-800-200-3411 «пӧсь линиын».

Со сяна, улосвылъёсын мобилизация улсы сюрем кунмуртъёслэн но ожгаруж быдэсъясьёслэн ӵыжы-выжыоссылы юрттэтъя туркымъёс (группаос) ужалозы, отын психологияя ӧнерчиос котькуд вазиськись муртэн нимысьтыз кенешозы; мур ӧнерлыко валэктонъёс басьтэм сяна, ог-огед борды кыстӥськон мылкыд но отын ас интызэ шедьтоз. Асмылкыдчи-эмчиос улосвылъёсын донорской акциос ортчытозы, медицина ужъюртъёсын но эмъян интыосын вир мед тырмыт луоз шуыса. «Большая перемена» ужрадъя но Россиысь пиналъёслэн но егитъёслэн тыршемзыя нимысьтыз досуговой ужрадъёс дасяськозы, озьы ик мобилизация улсы сюрем кунмуртъёслэн но ожгаруж быдэсъясьёслэн семьяосысьтызы нылпиослы визьнодасьёсын ӵош дышетскон процесс радъяськоз.