Коньывуонлэн берпуметӥ арняяз УЭ-ысь исправительной ужъюртъёсын котьку сямен «Вӧсьбур вачекусыпъёслы сӥзем арня» ортчытӥське. Йӧскалык кусыпъёсты умоятон Планъя, кудзэ УЭ-ысь йӧскалык политикая министерство но УЭ Кивалтэтысь Кылкутонэз быдэстонъя федерал служба быдэсто, 30-тӥ шуркынмонэ 2023-тӥ аре Удмурт Элькунысь йӧскалык политикая, мониторингъя но йӧскалык кусыпъёсты эскеронъя ёзэтлэн кивалтӥсезлэн воштӥсез Михаил Степин 1-тӥ номеро Следстви изоляторе судить карем адямиослы ужрад ортчытӥз.

Ужпумлэн валтӥсь темаез – этносъёс но вӧсьбуръёс (религиос) вискысь шуг-секыт югдуръёсты алон, йӧскалык но дӥсьвӧсьбур удысын экстремизмлэсь утиськонэн тодматон. Судъям муртъёслы, кудъёсыз пытсэт дырзэс ортчыто возёсэз утёнъя отрядын, Михаил Степин мадиз УЭ-ысь йӧскалыкъёслэн узыр пӧртэмлыкъёссы сярысь, озьы ик йӧскалык политикая министерстволэсь вӧсьбур кусыпъёсты умоятон уж нуэмез сярысь.

Отрядлэн начальникез Иван Борисов пусйиз, «Вӧсьбур вачекусыпъёслы сӥзем арня» улсын арлы быдэ ортчытъяськись ужрадъёс юртто лулчеберетъёсты но дӥньвӧсьёсты огазеяны, пӧртэм осконэн улӥсь муртъёслэсь кусыпъёссэс умоятыны.