Сайтысь утчано

Удмурт элькунысь йӧскалык политикая министерство
Сайтысь утчано
Нош ик ӟечокъёс пӧлын
11 September 2022 Иворъёс

Нош ик ӟечокъёс пӧлын

Президентлэн фондысьтыз кык йӧскалык ӵектосъёс грант утӥзы. Удмурт Элькунысь йӧскалык политикая министр Эдуард Петров пусйиз, асьме Элькунысь пӧртэм калыкъёслэсь кылзэс но лулчебертэс азинтонъя ӵектосъёс котьку но асдыръем луозы. ««Тангыра» но «ЭТНОэксперт» ӵектосъёс асьме Элькунын одӥг пол гинэ ӧз быдэсъяське ни. Туж умой, ми пӧртэм выжыосъя адямиосты люканы но ог-огенызы эшшо но матынгес тодматыны быгатӥськом шуыса».

Зэмзэ но, кык ӵектос быдэстэмын ни, кылсярысь, «Тангыра» фестиваль 4-тӥ пол ортчоз. Ӵектосэз радъялозы Удмурт Элькунысь Калыкъёслэн Эшъяськон юрт Удмурт егитъёслэн мерлыко “ШУНДЫ” огазеяськонэн ӵош. Удмурт Элькунын «ЭТНОэксперт» ӵектос ог 7 арзэ ни ужа. Таяз аре тупатонъёс пыртӥзы, выль тунсыко этапъёс ватсазы, шудонэз тузӥгес каризы.

Удмурт Элькунын 136 калык улэ. Росси калыкъёсын тодматскон но пыр-почгес тодон понна со туж кужмо йӧскалык пӧртэмлыкъя ванёс. Ӵектосъёс УЭ-нын улӥсь калыкъёслэн улон сямынызы, историенызы, сям-йылъёсынызы но лулчеберетынызы тодматскон понна ӧръямын.

Ӵектосъёслэн ужзы матысь дыре кутскоз ни, «ЭТНОэксперт» шудонлэн нырысетӥ турэз 27-тӥ коньывуонэ Эграын ортчоз. Нош «Тангыра» фестивль ужзэ толсурлэн кутсконаз усьтоз.

Поделиться