4-6-тӥ инвожое тодмо ӟуч тодосчилэн Дмитрий Константинович Зеленинлэн вордӥськем музъем вылаз, Дэри ёросын, ортчоз фольклоръя «Окно в небо» VII Калыккуспо фестиваль.

Фестиваль радъяське Россия Федерациын лулчеберелэн арез но Дэри ёросын калык лулчеберетлэн арез улсын.

Ужрадлэн темаез – «Хороводно-игровые традиции в календаре». Фестиваль радын та темая ик научно-пракитической конференци но ортчытыны малпамын, сое радъяло История, кылъя, но литературая удмурт институт, Россиысь тодосъя академилэн Петр Великий нимо антропология но этнография музей, История но лулчеберетъя Дэриысь музей.