Ижкарын 8-тӥ тулыспалэ «Интеграл» студентъёслэн центразы нырысьсэ ортчиз Пельмень нимо кубоклы КВН. Шаерысьтымы пӧртэм командаос асьсэлэсь быгатонлыкъёсэс возьматӥзы но Пельмень кубок но 25 сюрс манет понна ӟырдыт ӵошатскизы.

Ӟечкылан кылъёсын пыриськисьёслы но лыктэм куноослы вазиськиз Максим Александрович Шуимихин – Тӧролэн но Кивалтэтлэн Администрациезлэн кивалтӥсез. Максим Александрович пусйиз, егитъёслэн выль малпанъёссы но кичӧлтонъёссы юрттозы азинтыны удмурт лулчеберетэз но туризм удысэз. Со сяна, ваньзылы сӥзиз капчи мылкыд но вормонъёс.

Вань командаос дуно кузьымъёс басьтӥзы.
Нимысьтыз номинациосын пусъемын таӵе командаос:

1. «Пельнянь сярысь тужгес но серемес веран понна» – «Михаил Витальев» команда
2. «Воргоронлэсь рользэ тужгес но ӟеч шудэм понна» – Денис Микрюков («Ну, допусteam» команда).
3. Кышномурт ролез тужгес но ӟеч шудэм понна» – Софья Лошкарёва («Разные» команда).

Вормисе потӥз «Имени мамы Яромир Буббы из Когтеврана» команда (Ижкар).
2-тӥ инты басьтӥз «Зажигалка» КВН команда (МБОУ СОШ 89)
3-тӥ инты басьтӥз «Рождённые в СССР» КВН команда (Ува каргурт)
Вань командаослы тау вераськом капчи мылкыд кузьмамзы понна!
Вуоно пумиськытозь!