10-тӥ тулыспалэ Удмуртилэн шоркараз – Ижкарын – дасэтӥез «Пельняньлэн калыккуспо нуналэз» (0+)  этногастрономической фестиваль ортчоз, валтӥсь площадкаез Ижкарысь Шор площадь луоз.

«Шудо визнан» («Счастливая удочка») тол чорыганъя чемпионат 7:00 часысен ӵукна ни кутскоз тыметлэн Зодчий Дудин нимо ярдураз.

10:00 часын Ижкарысь Шор площадьын «Пельнянь СЪЕСТ» интыос ужаны кутскозы. Фестивальлэн уно сэрегъёсаз вань луонлык веръяны пӧртэм пельняньёсты но мукет удмурт сиён-юонъёсты. Тужгес но ӟеч ужбергатӥсьёс асьсэ пельняненызы тодматозы. Ӵужонболъя чемпионат («Удмуртский квиддич») кутскоз. Вань мылкыд карисьёслы командаен спорт шудон. Тупен хоккей, кудаз клюшка интые кызьпулэсь ӵужон кутӥське. «Шудон корка» азбар («Дом игр для детей») усьтӥськоз. Нылпиослы мастер-классъёсын но шудонъёсын азбар.

11:00 часын «Шудомы! Эктомы!» площадка (Площадка «Поиграем! Потанцуем!») аслэсьтыз ужзэ нуоз. Шулдыртозы туала егит кырӟасьёс, озьы ик вожвылъяськонын финалэ потэм командаослэсь шудон программаоссэс адӟытон. Валтӥсь сценаын удмурт эстрадаысь кизилиос но выль туала егит кырӟасьёс шулдыртозы.

Озьы ик спортъя но шулдыръяськонъя интыос но анимациос радъямын луозы. Пельменьфестын «Защитники Отечества» фондлэн площадкаез но ужалоз. Нимысьтыз ожгар операцие пыриськисьёслы гожтэтъёсты но открыткаосты гожтыны луоз. Гуманитар юрттэт люкан но маскировочной сетьёсты керттон.

11:00 часын PelmenRun бызьылонъя ӵошатскон кутскоз. Нылпиослы, бадӟымъёслы, корпоративъёслы бызьылонъёс радъямын луозы. Самой бадӟым дистанци – 21 иськем. Вормисьёслы тазикен пӧсь пельнянь сётэмын луоз, кудъёссэ соос эшъёсынызы, учкыны лыктэмъёсын но вожвылчиосынызы ӵош сиыны быгатозы!

12:00 часын «Пельняньлэсь салам!» площадка ужаны кутскоз. Акция Россиысь Почтаен валче ортчытӥське. Фестивале вуэм куноос быгато дунтэк бырйыны кельшымон открытка. Со борды марка лякыса но гожтӥськыса, Россиысь пӧртэм улосвылъёсысь матысь адямиоссылы ужрад дыръя ик келяны луоз. Озьы ик фотозонаын туспуктэм лэсьтыны луоз. Акция кыстӥськоз 16:00 часозь, нош берпуметӥ открытка вазьгес келямын луиз ке, площадка дырызлэсь вазьгес ужамысь дугдоз.

Мастер-классъёс, фотозонаос ужалозы. Озьы ик ӧтиськомы эрико нискыланэ «Динамо» стадионэ. Ас конькиосын катоке дунтэк пырыны луоз. *Арендаен коньки басьтон – 200 манет, клиент карта вань ке (ӧвӧл ке, огполлы карта басьтон 50 манет сылоз).

17:00 часын Ижкарысь Шор площадьын «Годовой запас пельменей» фестивальлэн одӥгез партнёрезлэн – «Восточный» Брендлэн – валтӥсь розыгрышез луоз.

Пыр-почгес программаен тодматскыны луоз на Пельменьфест вотэс бамын но ВКонтакте группаын.